Vous le croyez et si ne puis tant faire
Que vous vueillez changer d’opinion.
Je suis tout sain et ne le voulez croire,
C’est trop pensé mon imperfection.
Quand vous parlez en telle affection,
Vostre parler seulement me tourmente.
O le grand cas que le parler augmente,
Une douleur tant soit il simple et doulx !
Si ce n’estoit la crainte vehemente,
Je soustiendrois que le mal vient de vous.